میاندار

نوحه محرم

ابدمع العین     عالخدین     لجل احسین

جینا انواسی الزهره

یالتسـأل شنهو اینجینه     و یجمّعنه اویه العتره

یکفینا الشیعه من ننصب     ماتـم لحسین الزهره

رحمـه من الباری انزلت     للشیعه‌هـای العبـره

و کل دمعه تشهد بالحشر     عند الزچیه و تجـره

نروی اخبار     للاحرار     و بالاعبار

جینا انواسی الزهره

ننصـب مـاتم للـمنذبح     و بیه انواسی المظلومین

و انواسی گلب المنفجع     مـن غربـة المــذبوحین

و الماتم مـدرسة الشرف     و بی تدرس بس أهل الدین

و بی نبنی ساس المعرفه     و نهـدّم بیـت الطاغیـن

تهوی الروح     للمذبوح     ابدمع و نوح

جینا انواسی الزهره

مو إحنه الأسسنه الماتم     و واسینـه إبـن البضعه

اول محنـه صـابت آدم     و لحسیـن ارخصهه الدمعه

نهتف وحدتنـه بالماتم     لو چـان اعدانه اتسمعه

والی ایخالف های السنّه     احنا امن الساس انشلعه

کلهه اتحوم     عالمظلوم     و هاذ ایدوم

جینا انواسی الزهره

نبچی و نذکر محنة زینب     من یهتف صوت المنبر

و بدار ایزید اویه الساجد     ننهـی عن أمـر المنکر

بی معروف و بی موعظه     و بی غایتنه ابحگ تظهر

و نمطر من یجمعنه اللطم     مثـل الغیـم ابگاع البر

نجری ادموع     نبگه اشموع     ابهل موضوع

جینا انواسی الزهره

نبچی اعله اقمار المنحوره     و انواسی سیـد الاکوان

و نعـزی حمـای الحمه     و البضعه ابهـای الاشجان

نبچی اعله جسم المنتهب     و ثغر المظلوم العطشان

و خدر الفواطم و الخیم     تسعـر من نـار العدوان

تسعر نار     یا مغوار     وابهالثار

جینا انواسی الزهره

انهل الدمع من دم حمر     مـاننسه یومک یحسین

ظلیـت وسـط المنطرد     وحدک و حامیت الدین

ماننسـه ذکــرک للابد     والد التسعه الطیبین

ثورتک ثوره اعله الظلم     و ماتبرد الحد الحین

ماننساک     یا فتاک     احنه اویاک

جینا انواسی الزهره

_____

سبک نوحه را از اینجا دریافت کنید